TamBookPro

今日個標題係形容緊我嘅心情：

1. 開始要幫白炭頭搵學校啦，自己巳經脫離咗香港教育制度都好多年，而家仲要搵幼稚園添，什麼學劵制吖，學校雜費吖，學校環境，教學理念等，每一個細節都要睇得好清楚，唔好講阿仔一定可以考得入，但係做阿媽嘅我都唔想兜大圈，響只有兩個月收生期內唔想作出錯誤選擇，到時得個吉就慘啦，學校又搵唔到，到時喊都無謂。
2. 點解啲香港股票有跌無升？唔知仲要等幾時？
3. 六合彩又唔見我中？（因為我無買，蹝氣!!）

又一次的失敗了，難為了這一盒不用費神，不用量杯，不用左攪右攪的現成muffin粉。心想著和即溶三合一咖啡般方便的小吃，怎料到會有這樣的一個結果。

滿心歡喜的攪著攪著，還心想：「如成功而不錯的話，拿一些到學校給黑炭頭做早餐」，二話不說就把它放到焗爐中，二十分鐘後就會有１２個美味的鬆餅。在這短短的幾分鍾裹，就不如幫白炭頭洗個靚涼先。沖沖沖，聽到「叮」一聲，呵呵呵呵呵呵呵呵~~~完成了！！好了，還要繼續幫白炭頭洗pat pat, 著衫，搽cream，da da da, la la la, ho ho ho~~~~~~

噢！好一股濃烈嘅燶味~~~ aiya~~~~~我忘記咗呢間屋嘅焗爐要「人體開關」，即係要人手開機及關機。一打開個爐，成團煙走出來。就係咁，啲muffin就比我咁樣攪掂咗，個muffin上半身中咗毒，下半身就安言無樣，以我咁為食嘅性格，我梗係唔介意要下半身。上半身，安息啦。。。。。。

1. 有人問響袋鼠國日常生活最貴嘅係mug嘢，你諗吓諗吓，雖然所有嘢都比香港貴，但係有樣嘢係響呢度買咗會覺得唔低，唔買啲魚會腥，唔落佢啲雪藏肉又會有陣雪味，呢樣嘢就係~~~~我亦都無咗好耐，呢樣嘢就係~~~~~~~~~薑!!!!!!!講你都唔信呀香港人，我上一次心癢癢，諗住煎吓魚㷛湯，隨手就拾起兩舊薑，嘩！！！$13.89,　咁貴架！！原來唔只淨係唐人街，連鬼lo超市都係咁嘅價錢。舊薑好大咩？sorry, 唔係，一定比起我生仔薑醋嘅薑削。算啦，仲有幾個月就走，豪一次比佢啦。
2. 就係因為啲薑咁衿貴，我一定會用到佢盡。首先係~~~~~~姜汁撞奶!!!!　磨薑之後就搾薑汁，搾搾搾，搾搾搾。。。。。完。　咁就完成咗一碗似豆腐花嘅姜汁撞奶，好spicy~~~~~
3. 咁搾完汁嘅薑又點吖？我梗係唔會嘥，決定整黑炭頭嘅「非忽」，就係~~~~薑蓉！！原來自己整嘅味道同出面街都係差唔多，可能呢度啲薑貴啦，如果你出去食燒味飯，佢淨係比丁士咁少嘅蓉比你，真係食到好無引架。
4. 而家黑炭頭無姜汁撞奶不歡，每一次返屋企食飯都會order，食完先返學校。咁咪要成日買薑囉。。。好貴吖。。。

嘩！！我呢個blog真係變咗一個”年blog”,　原來成年差不多都未有update!! 我連呢個blog嘅login name 及 password 都巳經忘記得一乾二淨（生完ＢＢ之後出變咗失憶）,好彩呀黑炭頭同我整返好，如果唔係就嘥咗個blog。點解突然間想寫返blog?原因好簡單，因為自己記性唔係咁好，所以好想用個blog記低值得記念嘅一點一滴，有陣時睇番都回心微笑。另外我可以練吓啲中文打字，唔打好易無。

言歸正傳，我巳經當上16個月媽媽la + 響袋鼠國住咗差不多10個月, 響呢段無車仔面 + 無奶茶飲嘅地方, 巳經訓練咗最basic嘅求生技能~~~~~~煮飯!!!

正所謂「大嘅唔食，細嘅都要食」，我呢個小白炭頭好為食，食面飽，食零食，食生果就鬼咁快，食飯就一時時，由於想佢正餐食多啲，我其實都諗有啲mug嘢係又好味而佢又食得。以我觀察所得，佢好似我咁，鐘意番茄薯仔湯加飯食，做呀媽嘅唔會刻薄佢，我更係比埋啲番茄薯仔瘦肉佢食啦。我都希望佢食得肥肥白白，開開心心。

好啦，我諗白炭頭就嚟瞓醒，又係時候準備餐飯仔比佢。BYE BYE~~

仲差一個月都無嘅時間，我肚裹面嘅小黑炭頭就會出嚟，而家個心情驚喜交雜，有些擔心生個日唔知會發生什麼事。個心好想好想見吓佢，同佢相處咗差不過一年嘅日子，在加上呢幾個月發生好多事，當時有開心，亦有唔開心，但最後都解決晒，而家就好似等緊開花結果一樣，好想好肉緊咁攪住佢。琴晚臨訓嘅時候，開著咗朋友送比小黑炭頭嘅轉轉玩具，啲音樂好甜好warm，突然間好感動，眼涙不其然咁流出來，連我自己都唔知道點解，可能自己個心情有一點兒不穩定，好難相信自己就快成為媽媽，想最好嘅一切都比晒佢，鍚晒佢。Feynman, I love you.

今年係我最後一年過２人世界嘅聖誕節；雖然我對今次的聖誕節未有冀待興奮嘅感覺，但仍然不忘慶祝一番。其實自己都幾開心，因為ＢＢ出世的日子就快來臨，收到黑炭頭嘅禮物，同屋企人打邊爐同食聖誕大餐，so good~~~

不過最開心都係收到黑炭頭嘅禮物，因為每年聖誕節都未有同黑炭頭真正咁過，連禮物都唔係成日收到，今次佢比咗過surprise我，偷偷地買份禮物比我，自己包禮物，臨訓前放響張枱度，等我起身可以睇到。但係我都有surprise比佢，咁啱響同一個時間，我響房度等佢訓覺之餘，巳經張份禮物放響床上面，結果遲遲都未見佢入嚟，原來佢製造緊surprise比我，哈哈！！我好鐘意份禮物同黑炭頭嘅心意，佢送mug嘢比我我都鐘意架。

踏入了十二月份，巳經成為準媽媽第八個月了，時間貶眼就過得好快，由只是為BB準備物品，到現在要從各方面認識照顧BB的技考，巳教我心理一時間沉重起來，擔心自己照顧不週，累他哭，餵不飽，累他餓。所以我很明白什麼叫「產前抑鬱症」，滿腦子到是擔心，擔心，擔心。。。，我自巳還未到用抑鬱來形容現在的心情，但我知道的確有些逃避心態，希望他可以遲多幾個月才出來，不知道這是不是不正常的想法。到了現在，我的體能巳不大如前，亦不像懷孕初般活躍，唉！！

有了自己嘅屋企，咁梗係要自己落手落腳去處理屋企大大小小事宜，其中一樣就係﹣﹣﹣﹣煮飯。雖然我同黑炭頭結咗婚成半個月，但係煮飯嘅次數就真係一隻手可以數得晒，煮嘅嘢都係一啲好普通，煮唔熟都唔會食死人嗰隻。但煲湯就好唔同，如果唔好飲，真係好難放落口。上次我試過煲芫茜皮蛋湯，以為好似煲其他湯一樣，要煲一個鐘頭先，點知成煲湯變咗青BB，黑炭頭飲完仲要去廁所，OH~~~失敗咗添。今日想試吓煲蕃茄薯仔煲魚湯，為免好似上次咁煲過龍，所以keep住睇火，哈哈，得咗！！！而家我一路飲，一路睇電視添，爽死。

好耐都無update自己個blog囉，每一次想update blog嘅時候，通常都係有特別事件發生或者係有啲特別嘢想同大家講。今次亦都係唔例外，響短短由Moncton回港嘅２個月裹面，我嘅人生巳經改變，開始我人生另外嘅一頁。我其實無諗過響三字頭之前成為別人的太太，別人的媽媽，這些東西對於我來說實在來得太快，是不是快了嗎？還是到現在自己仍沒有心理準備去迎接這一切？不論是否真的是太快還是沒有心理準備，但這一切一切都是鐵一般的事實，這新的一切都會用開心的心情來面對，沒有一點疑惑，沒有一點不快，不知道我有沒有能力去勝任一切呢！！

黑炭頭的小小妹終於在2008年6月21日成為譚太了。在婚禮大日子當天，黑炭頭全家人在７時許起牀，每一個人都以最快的速度更衣梳洗，恐怕在一眾姐妹到達時我們還未完成。終於所有東西都預備好了，茶杯，利是，姐妹等都準備就緒，眼見小小妹十分緊張，我自己都為她一樣地緊張起來。嘩！！他們巳經來到，一班人兄弟在狹小的通道上與一眾姐妹相遇，跟據黑炭頭所形容，這個場面跟「戰狼３００」的場景有１００﹪相同，兩幫人等不定時地推推踫踫，場面十分之偉大，我想攝影師及拍片的人兄一定感到有壓力，只見小小妹不時地在偷看，最後，一定是新郎成功地迎接新娘啦。

每一次看著人家婚禮過程，我自己都覺得很感動，由一對之前互不相識的男女，開始認識，做朋友，對對方有感覺，互相吸引，然後相戀，結婚，這當然還有接下來的階段，但能夠和自己喜歡的人到最後組織家庭，一起走著人生的道路，這都是幸福的標誌呢。願每一個人都找到自己的幸福，永遠開開心心，要是還未找到另一半，幸福的標誌會在路上等著你。