TamBookPro

有了自己嘅屋企，咁梗係要自己落手落腳去處理屋企大大小小事宜，其中一樣就係﹣﹣﹣﹣煮飯。雖然我同黑炭頭結咗婚成半個月，但係煮飯嘅次數就真係一隻手可以數得晒，煮嘅嘢都係一啲好普通，煮唔熟都唔會食死人嗰隻。但煲湯就好唔同，如果唔好飲，真係好難放落口。上次我試過煲芫茜皮蛋湯，以為好似煲其他湯一樣，要煲一個鐘頭先，點知成煲湯變咗青BB，黑炭頭飲完仲要去廁所，OH~~~失敗咗添。今日想試吓煲蕃茄薯仔煲魚湯，為免好似上次咁煲過龍，所以keep住睇火，哈哈，得咗！！！而家我一路飲，一路睇電視添，爽死。